zaha hadid
Hemen da Proiektuak_bost_eko emateen
planteamendua. Lanaren jarraipenaren arabera emateetako eskaerak aldatu
daitezke eta irakasle bakoitzak bere nahiak gehitu. Hau planteamendu orokor bat
litzateke.
Nire kasuan lehenengo ematean idatzi honetan
eskatzen dena eman beharko da baino bakoitzak du askatasuna bere eran
adierazteko. Memoria behar da. Topografia nolakoa den ezagutzeko oso
garrantzitsuak direnez, ebaketak baloratuko dira.
anaaizpuru
1. Tokia aukeratzea:
bakoitzaren erabaki arrazoitua.
Lanaren lehenengo zatia, hogei bat
etxebizitza antolatzeko orubea edo orubeak, aukeratzean datza. Behin betiko
etxebizitza kopurua (20 inguru) ikasle bakoitzak zehaztu beharko du,
proiektuaren izaeraren arabera, eta aukeratzen den planteamenduaren arabera,
eraikin batean edo gehiagotan antolatu ahal izanik. Toki bat leku horretan
aukeratzeak, proiektatze prozesuaren barne dagoen ezagutze eta irudikatze
zehatza eskatzen du. Onez gain, erabakitakoa, dagokion neurrian argudiatu
beharko da, aukera ezberdinek ematen dituzten posibilitateei buruz gogoeta
sakon bat egin ondoren.
(2012 IRAILAK 26) URRIAK 1digitalean-3imprimatua 1.tailerraren
ematea
Tokiaren
aukeraketa da ariketa honen helburua. Ikasle bakoitzak aukeratutako lekuari
dagozkion dokumentuak landu beharko ditu: ebaketak, altxaerak, oinplanoak eta
garrantzitsua litzatekeen beste edozein dokumentu. DIN A4 bat gehienez osatzen
duen memoria labur batekin osatuko da argudioa. Arkitekto irizpidearekin antolatuko dira dokumentuak. Irudikatuak
DIN A2an (formatu honen multiploak erabiltzea legoke).
2. Planteamendu
orokorra eta lehen proposamenak.
Lehen marrazkien bidez, Arkitektura
Proiektu guztiek duten zailtasuna menderatu behar da. Proposatzen diren
eraikinak landuko dira baino baita ingurua ere, kanpo espazioei zentzua emanez.
Materialak, eraikitzeko era eta instalakuntzak nolakoak izango direnaren lehen
hipotesiak azalduko dira ere. Materialtasunak bere legeak ezarri eta eraikinak
inguruan nola finkatzen dituen ikasi, eta bertan lekutzen lagundu dezakeela
antzeman behar da. Aldi honetan ikasleak maketa baten bidez eta eskuz eginiko
marrazki eta krokisen bidez azalduko du planteamendua eta eraikitzeko
sistemaren lehen hipotesia. Naiz eta eskatzen diren eskalak 1/200 eta 1/100
izan, dokumentua ez da hutsa izango.
Dagoeneko hor egongo dira planteamendu
eta proiekturen oinarrizko elementuak, arlo teknikoak (egitura, materiala,
instalakuntza eskemak. . .) materialtasunaren arlo integratzailea kontuan
izanik. Lekua kontuan hartu beharko da, noski. Adibidez, ibilbideen sekuentziak
azaldu beharko dira: kanpo espazioak, komunikazio espazioak, etxebizitzen
sarrerak. . . Tipologia bat ezartzea bakarrik ez da, baizik eta irtenbidea
aurkitzerakoan tokiaren ezaugarriek nola eragin dezaketen onartzea: geometriak,
orientazioak, topografiak, bistek, ibilgailu-oinezkoen
ibilbide-sarrera-irteerek. . .
2012 URRIAK 17 2.tailerraren ematea
Bere
ideiak azaltzeko ikasleak aukeratzen duen gidoiaren arabera antolatuak,
krokisak eta eskuz eginiko marrazkiak DIN A2 formatuan (edo bere multiploetan)
eta maketa. Ordenagailua ondorengo faseetan erabiliko da. Kokapen planoa
1/200ean bereziki begiratuko da fase honetan.
3. Planteamenduaren
Garapena 1/100 eta 1/50 eskaletan.
Fase honetan aurreko aldietan
hartutako erabakiak aztertzeko posibilitatea izango da, eskala handiagoetan lan
eginez. Geometria eta neurriak aztertuko dira, oinetan, ebaketetan eta
altxaeretan, hiru dimentsio hauetan aldi berean lan eginez, eta orokorrean
erakinean, kanpoko eta barruko espazioen arteko erlazioa landuz.Eraikinaren
izaera, hau da bolumenaren itxura eta elementu ezberdinen arteko elkar
eragiteak azaldu behar dira: horma, aroztegi, itxitura eta abar.
2012 AZAROAK 7 3.tailerraren ematea
Erakina
eta bere ingurua: kokapen planoa 1/200ean; behe solairua edo sarrera solairua,
altxaerak, eta ebaketak nagusiak 1/100ean. Etxebizitza oinak, ebaketak eta
altxaera nagusiak 1/50an.
4. Garapena 1/50 eta
1/25 eskaletan. Materialak eta beraien mintzaira.
Atal
hau proiektua zehazten jarraitzean datza. Aipatutako eskalek materialek
arkitekturan izango duten eginkizuna zehaztea baimenduko dute. Materialen
aukeraketatik hasi, eta, eraikinean nola aurkeztuko zaizkigun landuko da. Modu
honetan, aparejua edo piezen antolaketarekin sortutako erritmoa, gainazalaren
trataera, edota kolorea aztertu ahal izango dira. Horiek arkitekturako arlo
garrantzitsuak dira, eta haserako planteamendu eta kontzeptuarekin bat etorri
behar dute. Proiektuaren garapen osoak arlo horiek arreta handiz jorratzea
eskatzen du.
2012 AZAROAK 28 4.tailerraren ematea
Oinplano
orokorrak 1/50en; sarrerako oinplanoa: ezkaratza, igogailu, eskailera,
komunikazio bertikalak … 1/25en; ebaketak aurreko guneetatik 1/25en. 1/25eko
eskalan materialaren definizioa eskatzen da, lehen aipatu bezala erritmoa,
piezen antolaketa, aparejua … azaltzea.
5. Azken ematea.
Azalpenak. Sintesia
Azken aurkezpen honetan ikasleak bere
azalpen-gaitasuna erakutsi beharko du, proiektua hobekien erakusten duten
dokumentuen aukeraketa egin beharko da. Aurreko atalaren balorazioaren arabera,
proiektuari bukaerako forma emango dio, eta proiektuaren alderdi
esanguratsuenak azpimarratu beharko ditu. Askatasunez garatu daiteken ariketa
da honako hau, baina, aldi berean, arkitekturarekin oso lotua dagoen lana da.
Aurkeztuko diren dokumentuek proiektuaren ezaugarriekin bat datorren hierarkia
bat jarraituko dute. Eskala ezberdinekin eskatzen dugun edukiaz gain, azken
aurkezpen honekin proiektuaren laburpen bat egin behar da.
2012 ABENDUAK 19 5.tailerraren ematea
Lauhilabeteko
azken aurkezpena eta proiektuaren bukaerako azalpena. Dokumentu irudikatuak DIN
A2 formatuko orri batean (behin doblatuta)
ordenatuta (konposatuta). Maketa. Ondorioen memoria laburra DIN A4 orri
batean.
