Lauhileko honen gai nagusia etxebizitza alorrean jarrera
propositiboa jorratzea da. Hau dela eta ariketa honetan, programak garrantzi berezia izango du. Bizi
espazioaren erabilera moduak proposatzea eskatzen dizuegu, abiapuntu bezala bi hausnarketa
maila planteatzen dizkizuet, alde batetik norberaren esperientziatik gogoeta
egitea eta, bestetik, egoera konkretu baten proposamena.
Norberaren esperientzia aurreko lauhilekoan egindako
ariketaren jarraipen bezala uler daiteke. Bizi dugun espazioaren irakurketa
kritikoa izan daiteke. Gure etxebizitzan zer jarduera egiten ditugun, zer dago
soberan, zer faltan, nola modatzen garen espaziora edo nola moldatu behar dugun
espazioa, erraz sailkatzen ez diren jarduerak nola egiten diren, besteak beste.
Egoera konkretuaren proposamena erabat libre da, edozein
bezero edo egoera proposatu dezakezue. Erabitzaileak modu zehatzean plantea
ditzakezue edo, era orokorragoan, bizitzeko moduak proposatu. Baldintza argiak
dituen abiapuntua definitzea eskatzen dizuegu. Baldintza hauek proiektua
gidatuko duen errelatoa osatuko dute.
Errelato hori literala izan daiteke (pertsonai zehatz
batzuen definizioa) edo jarduera orokorragoa izan. Ezinbestekoa da etxebizitzan
ohiko ez den jarduera bat sartzea.
Datorren klaserako bi gogoeta horien aurkezpen bateratu labur bat
presta ezazue. Bi egunen egitaraua asteazkenean lehen orduan adostuko dugu.
No hay comentarios:
Publicar un comentario